भारतका Influencers लाई नेपाल भ्रमणको अवसर, नेपाली दूतावासद्वारा आवेदन आह्वान

भारत नयाँ दिल्ली- नयाँ दिल्लीस्थित Embassy of Nepal ले भारतीय Social Media Influencers, Vloggers, Podcasters तथा Digital Content Creators हरूका लागि नेपाल भ्रमण कार्यक्रमको घोषणा गरेको छ। “Familiarization Trip to Nepal” अन्तर्गत ५ जना भारतीय Content Creators छनोट गरिने जनाइएको छ।

दूतावासका अनुसार उक्त भ्रमणको उद्देश्य नेपाललाई भारतीय पर्यटकका लागि आकर्षक, सुरक्षित र सहज गन्तव्यका रूपमा प्रवर्द्धन गर्नु हो। कार्यक्रममा सहभागीहरूले नेपालको प्राकृतिक सौन्दर्य, सांस्कृतिक सम्पदा, धार्मिक तथा आध्यात्मिक स्थल, नेपाली खानपान र पर्यटन गतिविधिहरूको अनुभव लिन पाउनेछन्।

छनोट भएका Influencers हरूले नेपाल भ्रमणपछि Video, Reels, Shorts, Podcast तथा अन्य Digital Content तयार गरी भारतीय दर्शकमाझ नेपाल पर्यटनको प्रचार–प्रसार गर्ने अपेक्षा गरिएको छ। दूतावासले हिमाल, ताल, मन्दिर, स्तूप, संस्कृति, Adventure Tourism, Wellness Tourism र धार्मिक पर्यटनलाई प्राथमिकतामा राखेर सामग्री निर्माण गर्न आग्रह गरेको छ।

आवेदन दिन इच्छुक व्यक्तिहरू भारतीय नागरिक वा भारतमा आधारित Digital Content Creator हुनुपर्नेछ। साथै YouTube, Instagram, Facebook, X लगायतका Platform मा सक्रिय उपस्थिति, राम्रो Audience Reach तथा Travel, Culture, Lifestyle, Food वा Tourism सम्बन्धी Content बनाउने अनुभव आवश्यक पर्ने बताइएको छ।

दूतावासका अनुसार आवेदनकर्ताको Content Quality, Creativity, Storytelling Skill, Audience Engagement तथा भारतीय दर्शकसँग प्रभावकारी रूपमा जोडिन सक्ने क्षमताका आधारमा छनोट गरिनेछ। अंग्रेजी, हिन्दी वा अन्य भारतीय भाषामा सामग्री बनाउने Creator लाई प्राथमिकता दिइने जनाइएको छ।

आवेदनकर्ताले आफ्नो Social Media Links, Followers/Subscribers संख्या, अघिल्लो कामको नमुना, नेपाल भ्रमणमा रुचि देखाउने छोटो विवरण तथा नेपाल प्रवर्द्धनका लागि Content Idea समेत पेश गर्नुपर्नेछ।

आवेदन पठाउने अन्तिम मिति ३० मे २०२६ तोकिएको छ। आवेदन [email protected] मा पठाउनुपर्नेछ भने [email protected] लाई CC गर्नुपर्ने जनाइएको छ।