गौशालामा खुलेआम तस्करी, सुरक्षाकर्मीको आँखामुनि राज्यलाई करोडौंको घाटा

महोत्तरी, गौशाला —महोतरीको सिमावर्ती क्षेत्रमा खुलेआम तस्करी बढ्दै जाँदा राजस्व गुम्ने मात्र नभई सर्वसाधारणको सुरक्षासमेत संकटमा परेको छ। भारतसँगको खुला सिमाना प्रयोग गर्दै तस्करहरू दिनदहाडै बिना भन्सार लाखौं मूल्य बराबरको  सामान भित्र्याउने गरेका छन्।

पर्सा बैरिया, कठुधार, निगौल टोल हुँदै कपडा बोकेका मोटरसाइकलहरू गौशाला, रामनगर हुँदै बर्दिबास र अन्य स्थानसम्म पुग्ने गरेको छ। स्थानीयका अनुसार तस्करहरूले विशेषगरी भारतीय नम्बर प्लेट भएका मोटरसाइकल प्रयोग गर्ने गर्दछन्। ती सवारी साधनहरू तीव्र गतिमा चलाइने भएकाले बाटोमा हिँड्ने सर्वसाधारण र बालबालिकासमेत जोखिममा पर्ने गरेका छन्।

गौशाला बजार नजिकै रामनगरको गोदाममा सामान भित्र्याएर त्यहीँबाट बर्दिवास लगायत अन्य ठाउँमा पठाइन्छ" भन्ने जानकारी स्थानीय स्रोतहरू अनुसार सही देखिन्छ।

भारतबाट पर्सा बैरिया, कठुधार, निगौल टोल हुँदै कपडा र अन्य तस्करी सामान रामनगरको गोदाममा ल्याइन्छ।

रामनगरको त्यो गोदामलाई ट्रान्जिट/स्टोरेज पोइन्टको रूपमा प्रयोग गरिन्छ।

त्यहाँबाट सामानहरू बर्दिवास, जनकपुर, लहान लगायतका बजारतिर मोटरसाइकल, भ्यान, वा निजी गाडीमार्फत पठाइन्छ।

“५–६ वटा मोटरसाइकलको समूहमा तस्करी गरिन्छ। लाखौंको कपडा ल्याइन्छ तर सम्बन्धित निकाय मूकदर्शक बनेर बसेका छन्,” एक स्थानीय बासिन्दाले बताए।

राजस्वमा भारी गिरावट

महोत्तरी जिल्लाको सम्सीमा रहेको छोटो भन्सार कार्यालयबाट अघिल्लो वर्ष मासिक २० लाख रुपैयाँभन्दा बढी राजस्व संकलन हुने गरेकोमा हाल २–४ लाखमा झरेको छ। एक कर्मचारीका अनुसार तस्करी र सरकारी निकायको कमजोरीका कारण यस्तो अवस्था आएको हो।

केही दिनअघि इलाका प्रहरी कार्यालयका तत्कालीन प्रमुखमाथि तस्करहरूसँग मिलेमतो गरेको आरोप लागेपछि प्रहरी निरीक्षकसहित तीन जनाविरुद्ध कारवाही प्रक्रिया अगाडि बढाइएको थियो। तर सो प्रकरणपछि पनि तस्करी रोकिएको छैन।

सुरक्षा निकाय तैनाथ, तर नियन्त्रण छैन

नेपाल-भारत खुला सिमानाका कारण तस्करी नियन्त्रण चुनौतीपूर्ण बन्दै आएको छ। तस्करी रोकथामका लागि सम्सीदेखि गौशाला–रामनगरसम्म नेपाल प्रहरी र सशस्त्र प्रहरी बल तैनाथ गरिएको भए पनि तस्करी यथावत् रहेको स्थानीयको गुनासो छ।

“सुरक्षा बल तैनाथ छन्, तर तिनीहरूकै आँखामुनि तस्करी भइरहेको छ। हामी सर्वसाधारण जोखिममा छौं,” स्थानीय नागरिकको भनाइ छ।

संगठित तस्करी रोक्न कडा निगरानी, प्रभावकारी भन्सार प्रणाली र जिम्मेवार सुरक्षा संयन्त्रको खाँचो रहेको सरोकारवालाहरू बताउँछन्।