सम्सी गाउँपालिका वडा नं. ३ मा वडा स्तरीय क्रिकेट प्रतियोगिता उद्घाटन समारोह सम्पन्न
सम्सी, महोत्तरी – सम्सी गाउँपालिका वडा नं. ३ बैरगियामा आयोजित वडा स्तरीय क्रिकेट प्रतियोगिताको उद्घाटन समारोह भव्य रूपमा सम्पन्न भएको छ।
स्थानीय बैरगियाका युवाहरूको खेलकुदमा रुचि बढाउन र प्रतिभालाई प्रोत्साहन गर्ने उद्देश्यले आयोजना गरिएको यस प्रतियोगिताको उद्घाटन कार्यक्रममा वडाध्यक्ष शेख अतिकुर रहमान, समाजसेवी, शिक्षक, युवा प्रतिनिधिहरू तथा स्थानीय सर्वसाधारणको उल्लेखनीय उपस्थिति रहेको थियो।
उद्घाटन समारोहमा प्रमुख अतिथिका रूपमा गाउँ पालिका प्रमुख रामनाथले बोल्दै खेलकुदले युवामा अनुशासन, नेतृत्व क्षमता र समर्पणको भावना विकास गराउने बताए। साथै, उनले यस्ता कार्यक्रमले समुदायमा सकारात्मक परिवर्तन ल्याउने विश्वास व्यक्त गरे।
प्रतियोगितामा वडा नं. ३ का विभिन्न टोलका टिमहरू सहभागी भएका छन्। आयोजक समितिका अनुसार, विजेता टोलीलाई नगद पुरस्कार, ट्रफी तथा प्रमाणपत्र प्रदान गरिनेछ।
कार्यक्रम संयोजकले सबै खेलाडीलाई खेल भावना राखी प्रतिस्पर्धा गर्न आग्रह गर्दै खेल सफल बनाउन सहयोग गर्ने सम्पूर्णलाई गाउँ पालिका प्रमुख रामनाथले धन्यवाद दिएका छन्।
