GE Khabar को रिपोर्टिङको प्रभाव : सोनमा गाउँपालिकाको वडा नं. ८ शिवनगरमा सुरु भयो सडक विस्तार
महोत्तरी टुडे
मंसिर २३ २०८२
नरेन्द्र महताे- गाैशाला महाेत्तरी,
महोत्तरी — जिल्लाकै सबैभन्दा विकट मानिने सोनमा गाउँपालिका लामो समयदेखि आधारभूत पूर्वाधार अभावको समस्यामा परेको क्षेत्रका रूपमा चिनिँदै आएको छ। दक्षिणमा भारत, पश्चिममा सर्लाही, उत्तरमा गौशाला नगरपालिका तथा पूर्वमा सम्सी गाउँपालिका र औरही नगरपालिकासँग जोडिएको यो गाउँपालिकामा ८ वटा वडा छन्।
यद्यपि विकासका कार्यहरू अन्य वडामा केही हदसम्म अघि बढ्दै आए पनि वडा नं. ८, शिवनगर भने वर्षौंदेखि विकासको मुख्यधारबाट विगतमा परेको स्थानीयवासीको गुनासो थियो। विशेषतः राजनीतिक खिचातानीका कारण आवश्यक विकास परियोजनाहरू रोकिएको स्थानीयले बताउँदै आएका थिए।
GE Khabar को ग्राउन्ड रिपोर्टिङपछि सम्बद्ध निकायको ध्यानाकर्षण
वडा नं. ८ मा सडक विस्तार र मर्मतबारे धेरै वर्षदेखि कुनै ठोस पहल नभएको विषयमा GE Khabar टोलीले केही समयअघि ग्राउन्ड रिपोर्टिङ गर्दै सरोकारवालाको ध्यानाकर्षण गराएको थियो।
स्थानीयले उठाएका समस्या—
झन्डै २०–२५ वर्षदेखि सडक विस्तार नहुनु
सडक अत्यन्तै साँघुरो हुँदै जानु
अतिक्रमण बढ्दै जानु
हिँडडुल तथा सवारी आवागमनमा अत्यधिक समस्या
जस्ता मुद्दालाई GE Khabar ले उजागर गरेपछि सम्बन्धित निकायले तुरुन्तै चासो देखाएको स्थानीयले जनाएका छन्।
रिपोर्टिङको प्रत्यक्ष प्रभाव : सडक विस्तार सुरु
GE Khabar को रिपोर्ट सार्वजनिक भएपछि केही दिनमै वडा नं. ८ शिवनगरमा सडक विस्तार तथा ढलान (ग्राभेलिङ/पिच तयारी) गर्ने काम सुरु भएको छ।
स्थानीयवासीका अनुसार, पहिले साँघुरो र धुलो–माटोले भरिएको सडक अहिले विस्तारित हुँदै जान थालेपछि यातायात सहज भए मात्र होइन, विकासप्रति आशा बढेको छ।
“बीस–पच्चीस वर्षसम्म नबिग्रिएको सडकलाई कसैले चासो दिएन, तर मिडियाले आवाज उठाएपछि काम सुरु भयो। हामी निकै खुसी छौँ,” एक स्थानीय वडावासीले भने।
स्थानीयमा खुसीको माहोल
सडक विस्तारसँगै—
आवागमन सहज
अतिक्रमण नियन्त्रण
व्यापार–व्यवसायमा सहजता
एम्बुलेन्स तथा आपत्कालीन सेवामा सुधार
हुने अपेक्षा गरिएको छ।
स्थानीयहरूका अनुसार, यस्तो प्रत्यक्ष प्रभावले मिडिया र जनताबीचको सहकार्य कति प्रभावकारी हुन सक्छ भन्ने स्पष्ट भएको छ।
फेसबुकबाट तपाईको प्रतिक्रिया
