कतार र इरानमा रहेका नेपालीलाई आपतकालीन उद्धार पोर्टलमा विवरण दर्ता गर्न दूतावासको आग्रह

फाल्गुण १९ २०८२

आशिक हुसैन शेख दोहा, कतार – नेपाली राजदूतावास, दोहा ले मध्यपूर्व क्षेत्रमा विकसित भइरहेका पछिल्ला परिस्थितिलाई मध्यनजर गर्दै कतार र इरानमा रहेका सम्पूर्ण नेपाली नागरिकलाई आफ्नो विवरण आधिकारिक आपतकालीन वेब पोर्टलमार्फत दर्ता गर्न आग्रह गरेको छ।

दूतावासको कन्सुलर सेवा विभागद्वारा सञ्चालनमा ल्याइएको उक्त वेब पोर्टल नेपाली नागरिकहरूको अवस्थासम्बन्धी यथार्थ सूचना संकलन गरी आवश्यक परेमा उद्धार, समन्वय तथा अन्य कूटनीतिक पहल सहज बनाउन लक्षित गरिएको जनाइएको छ। विदेशमा बसोबास गरिरहेका नेपालीहरूको सुरक्षित अवस्थाबारे तथ्यांक अभिलेखीकरण गर्न र आकस्मिक परिस्थितिमा छिटो निर्णय लिन सहयोग पुग्ने विश्वास दूतावासले व्यक्त गरेको छ।

दूतावासका अनुसार कतार र इरानका विभिन्न सहर तथा कार्यस्थलमा रहेका नेपालीहरूले अनलाइनमार्फत आफ्नो नाम, ठेगाना, सम्पर्क नम्बर, रोजगारदाताको विवरण लगायत आवश्यक जानकारी प्रविष्ट (Entry) गर्न सक्नेछन्। यसरी संकलित विवरणलाई आपतकालीन अवस्थामा आवश्यक समन्वय, सूचना प्रवाह तथा सम्भावित उद्धार प्रक्रियामा उपयोग गरिने बताइएको छ।

दूतावासले सबै नेपाली नागरिकलाई उपलब्ध लिंक वा क्यूआर कोड प्रयोग गरी यथाशीघ्र आफ्नो विवरण अद्यावधिक गर्न हार्दिक अनुरोध गरेको छ। साथै, कुनै पनि अफवाह वा अपुष्ट समाचारमा नअल्झी आधिकारिक स्रोतबाट जारी सूचना मात्र अनुसरण गर्न समेत आग्रह गरिएको छ।

दूतावासले विदेशमा रहेका नेपालीहरूको सुरक्षा, हकहित र संरक्षण आफ्नो प्राथमिक दायित्व भएको उल्लेख गर्दै सहकार्य र सजगताका लागि सम्पूर्ण समुदायलाई धन्यवाद दिएको छ।

ठेगाना:

Zone Number-56, Rawdat Umm Al-Theyab Street, Street Number-681, Abu Hamour Area (Ain Khaled), दोहा, कतार �

qa.nepalembassy.gov.np

📞 फोन नम्बर:

• +974-4467-5681

• +974-4467-5683

• +974-4417-1962

qa.nepalembassy.gov.np

📠 फ्याक्स:

• +974-4467-5680

qa.nepalembassy.gov.np

📧 इमेल ठेगाना: