भारत–पाकिस्तान तनाव चुलियो: ६ राज्यमा हाई अलर्ट, ताजमहलमा बुलेटप्रुफ सुरक्षा

महोत्तरी टुडे डेस्क: भारतले पाकिस्तानसँग चुलिँदो तनावको सन्दर्भमा राष्ट्रिय स्तरमै उच्च सतर्कता अपनाएको छ। देशका विभिन्न भागमा सरकारले आपतकालीन कदमहरू चालेको छ, जसमा ६ राज्यका सरकारी कर्मचारीको बिदा रद्द गरिएको छ, सम्पूर्ण शिक्षण संस्थाहरू बन्द गरिएको छ र सुरक्षालाई सैन्यस्तरको बनाइएको छ।

हिन्दुस्तान टाइम्सका अनुसार, पन्जाब, हरियाणा, राजस्थान, गुजरात, पश्चिम बंगाल र बिहारमा उच्च सतर्कता लागू गरिएको छ। सीमावर्ती पन्जाबका फिरोजपुर, पठानकोट, फाजिल्का, अमृतसर, गुरदासपुर र तरनतारनका सबै स्कुल–कलेजमा तीन दिनको बिदा दिइएको छ।

सुरक्षालाई कडाइ गर्न भारत सरकारले देशभरका २७ विमानस्थलहरू समेत बन्द गरिसकेको छ।

‘अपरेशन सिन्दूर’ पछिको सुरक्षा : ताजमहलमा बुलेटप्रुफ किल्ला जस्तै सुरक्षा व्यवस्था

पाकिस्तानविरुद्ध भारतले ‘अपरेशन सिन्दूर’ सञ्चालन गरेपछि विश्वप्रसिद्ध ऐतिहासिक सम्पदा ताजमहल उच्च सुरक्षा निगरानीमा राखिएको छ। क्षेत्रभर विशेष सुरक्षा अपरेशन चलाइएको छ।

ताजमहल क्षेत्रमा ९ वटा सुरक्षा बेरियर, ८ वटा बुलेटप्रुफ टोली र ६ वटा वाच टावर परिचालनमा छन्। सुरक्षाकर्मीहरू ताज परिसरको भित्र–बाहिर तैनाथ छन्। पर्यटक, होटल पाहुना, सबैमाथि निगरानी र सोधपुछ भइरहेको छ।

ताजगञ्ज क्षेत्रका होटलहरूमा सुरक्षा प्रहरी, पर्यटन प्रहरी र स्थानीय थाना मिलेर चेकिङ गरिरहेका छन्। हरेक आगन्तुकको परिचय तथा गतिविधि विवरण संकलन भइरहेको छ।रासस

ताज सुरक्षा एसीपी सैयद अरीब अहमदले भने, “हामीले ताजमहलको सुरक्षा थप बलियो बनाएका छौं, कुनै पनि जोखिम सहन सकिँदैन।